الأردنمناظرات فكرية

حوار مع مؤيدة لاستمرار العطلة يوم الأحد

اجرى الزميل داود  كُتّاب   صاحب مقال: هل تساهم المدارس المسيحية في تفكيك العائلة المسيحية؟ نقاش مع مواطنة اردنية مثقفة عبر الوتساب  ننشره بعد موافقتها وطلبها عدم نشر اسمها. يشمل الحوار كلام باللغة المحكية:

المؤيدة: انا بعارضك بفكرتك وعندي فكرة مختلفة. انا مؤيدة للعطلة المدرسية يوم الأحد.  وسؤالي لك لماذا لا تتعطل المؤسسات في الأردن أيام الجمعة والأحد؟

  كُتّاب: نحن مش قدها

المؤيدة: ليش

  كُتّاب: نسبة المسيحيين اثنين أو ثلاثة بالمئة مقابل ثمانية وتسعون بالمئة

المؤيدة: نحنا مش في حرب

  كُتّاب: اكتبي مقال اعرضي رأيك وكيفية الوصول لاقتراحك. أي الآلية.

 المؤيدة: ليش ما نجرب

  كُتّاب: كيف بدك تعالجي تقسيم العطلة

المؤيدة: يعني تتابع العطلة لا يعني أن الأسر مستقرة.  التفكك الأسري لا ينجم عن يوم عطلة.   علينا انشاء جيل قادر على تقبل واحترام حق الآخر في المعتقد

  كُتّاب:   تمام حلي مشكلة العائلة المسيحية وغياب الاهل يوم الاحد بسبب عملهم؟

المؤيدة: إذا كل البلد عطلت الأحد تنتهي المشكلة لازم نبلش عشان نقدر نعمل شيء

  كُتّاب: طلبك غير عملي وغير واقعي والنقاش فيه سيشكل مجرد إضاعة للوقت اكتبي فكرة متكاملة تضمن آلية الوصول الى ما تقولين.

المؤيدة: النواب المسيحيين في البرلمان لازم يطرحوا الفكرة

   كُتّاب:  مش راح يطرحوا

المؤيدة: ليش لا

  كُتّاب: هم اصلا رافضين مساواة المرأة مع الرجل في الإرث.

المؤيدة: صحيح. بس هون الموضوع مختلف لأنه هيك دخلنا على قضايا الذكورية. شايف انه مشكلتنا أعمق من مجرد يوم عطلة

  كُتّاب: المشكلة انو في ناس طقسين وعاطفين وفاهمين اللاهوت خطأ

المؤيدة: طب ليش هلا؟

  كُتّاب   : الانتقال من القرى المسيحية للمدن وعمل المرأة سببت المشكلة

المؤيدة: هلا شوف إذا بدنا نفكر بكل الطقوس الدينية فهي من صنع الإنسان وتغييرها مش كارثة بس ليش عم تطلب مني اداوم يوم الأحد بدل ما تطلب من الدولة تحترم حقي في ممارسة الشعائر الدينية في يوم الرب زي ما انت وانا نعرف. يعني ليش انا أقدم تنازل ليش ما الدولة تحمي حقي في المعتقد.  مشاكل الاسرة المسيحية تتعاظم في ظل غياب منظومة أسرية حقيقية

  كُتّاب   : حق كلمة مش مناسبة هون. الموضوع مش مسالة حق أو غياب. اذا بدك ساعة للصلاة يوم الأحد هذا مطلب معقول.

المؤيدة: إذا ما فيه مشكلة خلص خلينا نطلع سبت والاحد: جرب تطرح الموضوع وشوف شو بصير

   كُتّاب   : ما بناقش امور لمجرد النقاش.  انا انسان عملي

المؤيدة: بس اعتقد فيه جور على ما تعتقد به الأقلية. على كل حال أمر صحي يكون عنا وجهات نظر مختلفة

  كُتّاب   : ضرر الوضع الحالي على العائلة أكبر بكثير من فائدة الاستمرار

 المؤيدة: هلاء عطلة يوم الأحد هالقد مشكلة؟ التفكك الأسري ظاهرة عامة في كل دول العالم.  السعودية ما بتعطل الأحد ولكن عندهم تفكك أسري بسبب الطلاق وتعدد الزوجات.

  كُتّاب   : ا قلت تساهم بالتفكك الأسري ما قلت بتسويد تفكك لوحدها ولكم معك حق يمكن كان لازم أقول تضعف العائلة مش تفكك.

المؤيدة: يعني الموضوع له عدة أوجه ولكن انا سأقوم ببحث معمق في الموضوع لأنك بصراحة نبهتني على أمور ما كنت فكرت فيها.

   كُتّاب   : صحيح. بس اسالي الأهالي أهم طرف

مؤيدة: اكيد

زر الذهاب إلى الأعلى